Вальсуюць пары, здзяйсняюцца мары!

27 чэрвеня Мінскі футбольны манеж аб'яднаў у рытме грандыёзнага свята тры тысячы лепшых выпускнікоў устаноў вышэйшай адукацыі з усёй краіны. У суправаджэнні рэктара БДУЗМ Наталлі Яўгеньеўны Лапцевай, прарэктара па ідэалагічнай і выхаваўчай рабоце Вольгі Мікалаеўны Салдатавай, дэканаў і намеснікаў дэканаў факультэтаў урачыстае мерапрыемства наведалі 100 выбітных выпускнікоў ІНЯЗА.

На галоўнай сцэне Міністр адукацыі Рэспублікі Беларусь Андрэй Іванавіч Іванец агучыў прывітальны адрас Прэзідэнта Рэспублікі Беларусь Аляксандра Рыгоравіча Лукашэнкі ўдзельнікам рэспубліканскага выпускнога балю і павіншаваў маладых спецыялістаў з паспяховым завяршэннем навучання.

Асаблівую атмасферу свята стварыла канцэртная праграма, у якой гарманічна спалучаліся сучасныя музычныя кампазіцыі, відэахроніка студэнцкіх гадоў і творчыя выступленні беларускіх артыстаў. Яркія вакальныя і харэаграфічныя нумары аб'ядналі ўсіх удзельнікаў святочнага мерапрыемства ў атмасферы радасці, адзінства і гонару за пройдзены шлях.

Рэспубліканскае свята выпускнікоў стала сімвалам завяршэння важнага жыццёвага этапу і пачаткам новага шляху для маладых спецыялістаў, якім трэба будзе рэалізаваць свае веды, прафесійныя навыкі і ідэі на карысць краіны.